ریاست پوهنځی طب معالجوی

بیوگرافی دوکتور محمد سلیم صالحی

دوکتور محمد سلیم صالحی فرزند عبدالرؤف، ولدیت صالح محمد، در سال ۱۳۵۸ هجری شمسی در قریه پتان‌خیل ولسوالی سیدآباد ولایت میدان وردگ دیده به جهان گشود. تحصیلات ابتدایی و متوسطه‌اش را در ولایت میدان وردگ به پایان رسانیده و در سال ۱۳۷۷ از لیسه عالی کویت‌الخیر فارغ‌التحصیل گردید.

پس از موفقیت در آزمون کانکور، در سال ۱۳۷۸ شامل پوهنځی ستوماتولوژی پوهنتون طبی کابل شد و در سال ۱۳۸۵ با مدرک MD در رشته ستوماتولوژی از همان پوهنتون فارغ گردید.

وی به‌مدت ده سال به‌عنوان آمر کلینیک دندان در شفاخانه ولایتی غزنی ایفای وظیفه نمود و خدمات ارزشمندی را به مردم ارائه کرد. سپس فعالیت‌های علمی‌اش را در پوهنتون شفاء آغاز کرده و حدود ۷ سال در سمت‌های استاد، آمر دیپارتمنت و رئیس پوهنځی ستوماتولوژی به‌گونه مؤثر خدمت نموده است. همچنین به‌عنوان استاد در پوهنتون افغان سویس نیز فعالیت داشته است.

در حال حاضر، دوکتور محمد سلیم صالحی به‌عنوان رئیس پوهنځی طب معالجوی پوهنتون شفاء ایفای وظیفه می‌نمائید.